السائل : أنا كتاجر دافع الثمن للبنك ومستلم الأوراق ؟
الشيخ : الله يسلمك من البنك .
السائل : يعني بالتمويل أو حاجة ما فيش تعامل إلا عن طريق البنك ما فيش حل يا شيخي .
الشيخ : يا شيخي هكذا كل الناس ولذلك يبيح للناس أن يتعاملوا بالربا .
السائل : الإباحة بالربا لا أما أن تتعامل مع البنك فيها شيء ؟
الشيخ : ولا البنك بتعمل بإيه ؟
السائل : أنت تفتح اعتماد مقابل فلوسك فيها شيء ؟
الشيخ : إيش معنى بارك الله فيك وأنت تاجر وأنا لست بتاجر إيش معنى بيدفع اعتماد ؟
السائل : يعني تثبت البضاعة الاعتماد مستند يعني إنك تتفق مع البنك يوصل للشركة أن فلان عاوز ألف بدلة دشاديش والثمن عندي فبيكون بيسلم الكتاب إلى الشركة والشركة على موجب هذا الكتاب تشحن البضاعة لما تشحن البضاعة بتسلم الأوراق للبنك والبنك يدفع لهم مقابل .
الشيخ : أنت بتقول الثنمن عندي .
السائل : البنك يقول الثمن عندي .
الشيخ : أنت الآن أنا فاتني شيء من كلامك وأنت فاتك شيء من كلامي معناه أنت سلمت البنك .
السائل : البنك إما يكون التاجر ثقة عنده ويفتح له بدون مقابل أو يدفع القيمة كاملة .
الشيخ : خلينا هلا على الذي قلته أنا معناه أنك أنت سلمت ثمن البضاعة للبنك .
السائل : نعم تكون دافع مية بالمية قيمة البضاعة. يعني نوعين من التجارة في البنك إما أنك تسلم مية في المية قيمة البضاعة أو تكون ثقة يفتح لك البنك مقابل أصول مستندات وتدفع القيمة عند الوصول .
الشيخ : ما هذا سيدي سمعناه ولنا وقفة لكن الآن نحن نفترض الصورة الأولى إنو دفع ثمن البضاعة المية بالمية البنك ماذا يعمل بهذا الثمن؟ بالفلوس .
السائل : إما يستغلها أو حاجة غالبا يستغلها طبعا .
الشيخ : أنت تاجر بتحكي الكلام هذا . إما وإما ما فيه إما لا أكيد بيستغلها طيب في الحلال ولا في الحرام ؟
السائل : هو نوعين من البنوك فيه نوع بنك إسلامي وفيه نوع بنك ربوي .
الشيخ : البنك الإسلامي شو نوعه شو بيساوي ؟
السائل : البنك الإسلامي على الشريعة .
الشيخ : مثلا .
السائل : مثلا إذا وصلت المستندات شحنت البضاعة ووصلت المستندات وأنت مش دافع المبلغ ما بياخذ عليك فوائد .
الشيخ : خليك معي سلمنا ها الألف دينار في المعاملة هاي البنك شو بيعمل إيش الفرق بين البنك الإسلامي ؟
السائل : هذا بيستغل في المرابحة البنك الإسلامي ؟
الشيخ : شو ها المرابحة ؟
السائل : بيجيبلك بضاعة مرابحة وبياخذ نسة معينة لمدة محددة لمدة المحددة وأنت ما دفعت المبلغ لا يأخذ عليك زائد المبلغ وإذا دفعت المستعجل يعني اشتريت البضاعة لمدة ثلاثة شهور ودفعتها بعد أسبوع ما بيرجعلك شيء من الأرباح اللي أخذتها .
الشيخ : كيف ما بيرجع شيء .
السائل : يعني مثلا أنت اشتريت بضاعة بألف دينار وقتلو بدياها لمدة ثلاثة شهور يحسب عليك ثلاثة شهور عليها أرباح مثلا ثلاثين دينار أنت بعد أسبوع بعت البضاعة وتيسر معك المبلغ تقول أنا عندي الألف دينار تيسر هاي ألف وثلاثين دينار يقلك خلاص المبلغ كامل بياخذ منك مثلا في ظروف ما تعسر معك المبلغ في ظرف ثلاث شهور ما سددت له قعد ستة شهور ما بياخذ عليك زائد على المبلغ .
الشيخ : طيب لما بيتفقو لبعد ثلاثة شهور يأخذ منو ربح معين إذا قلو بعد أربعة أشهر ؟
السائل : بيزيد المبلغ ؟
الشيخ : ليش ؟
السائل : لأن المدة زادت .
الشيخ : هذا شو مو ربا ؟
السائل : والله حسب رجال الدين يقلك هذا .
الشيخ : دعنا ورجال الدين لأنه في الإسلام ما فيه رجال دين . فيه رجال علم . ما عليش كيف هذا أليس هو ربا ؟
السائل : بيقلك لا البيع بأجل مسموح في الإسلام .
الشيخ : معليش مسموح لكن بيأخذ زيادة مقابل إيش ؟ كلما زاد الأجل كلما زاد الربح إي هذا عم يسموها مرابحة طيب تسميتها مرابحة مع ملاحظة الزيادة كلما زاد الأجل في الوفاء هذا هو الربا .
السائل : لو مثلا دفع قبل المدة ما بيرجعلو شيء ولو زادت المدة ما بيزيد عليه شيء .
الشيخ : أنا بدي أعالج هاي الصوزرة إنو في الثلث شهور الربح بالمية سبعة أربعة شهور بالمية عشرة خمسة أشهر بالمية خمسة عشر إلى آخره هذه الزيادة ما هي شرعية يقينا .
السائل : والله اللي بيشرعو رجال الشريعة بيقولو إنه جائز طبعا فيه نوع ثاني هو نوعين عندهم التجارة نوع ثاني بيفتح لك اعتماد إذا دفعت المبلغ مثلا كاملا للبنك الإسلامي بألف دينار وجاءت الأوراق ما بيأخذ منك شيء بياخذ عمولة بس نوعين من الاعتمادات .