الشيخ : لا والله ما تعملوا هيك ، راجعوه أنا أظنُّه واهم ، ما فيه عندنا إطلاقًا بأنُّو المنبر كان في الجهة الغربية من المسجد النبوي ، وكنت أحكي مع أبي محمد وقلت أخيرًا أنُّو التوارث حجة ، والآن نؤكِّد هذا التوارث في المسجد النبوي ، المسجد النبوي المنبر في منتصف المسجد تقريبًا ، فنقلُه إلى الجهة الغربية .

السائل : ... .

الشيخ : أنا أظن هذا مثل ما قلت مع أبو محمد يفعله البعض تفاديًا لمشكلة قطع الصَّفِّ ، لكن هذا غير المنقول .

السائل : ثم يصير الموصوع أنُّو المنبر الأفضل أن يكون متنقِّل ؛ يعني ثلاثة درجات بينقاموا وينحطوا كذا على أساس أنُّو في أيام عاديَّة حتى لا يقطعوا الصَّفَّ ، بعدين حتى أُثِيرَ موضوع المحراب ؛ أنُّو بروز المحراب .

الشيخ : ليش ما يقطع الصَّفَّ هنا لما بيكون على السنة ؟!

السائل : إذا بيكون لكن ما بيقطع ؛ لأنُّو ما في داعي ... وبالتالي .

الشيخ : هذا هو ، فمنشان إيش يكون منقول ؟

السائل : يعني أُثِيرَ الموضوع أنُّو متنقِّل ، وبعدين في موضوع المحراب بروزه لبرَّا غالب الناس تتوهَّم حقيقةً أنُّو هذا موجود ، والأفضل مش موجود ، مش هذا هو المحراب ، جزاه الله خير حتى اللي ، بعدين قيل على أساس أنُّو الناس عم تعملوا هلق المحراب يدفشوه شوي للغرب حتى يوقِّف الإمام وبالتالي يوفِّر صفّ ، لأنُّو إذا الإمام ... وبس حقيقة الأمر ... بيوفِّر صفّ .

الشيخ : هنا يفكِّروا بتوفير الصَّفِّ ، أما بالمنبر الطويل اللي يقطع الصفوف ما يفكِّروا فيها ، فالدين صاير هوى !! ... .