السائلة : طيب ، بالنسبة لرجل أراد أن يخطب مرأة فما هي يعني الأشياء التي يراها فقط عند خطبتها قبل ما يكتب العقد ؟

الشيخ : إذا كان بدو يخطبها بالموافقة مع ولي أمرها فما يرى منها إلا وجهها وكفيها .

السائلة : نعم .

الشيخ : وبس .

السائلة : وإذا مش يعني هيك أراد إنو يرى هذه المرأة فقط يعني يراها بعدين إذا عجبتو يخطبها ... .

الشيخ : شو فهمت مني ؟

السائلة : فهمت إنو بس الوجه والكفين .

الشيخ : طيب الآن شو سؤالك ؟

السائلة : سؤالي يعني لا يرى من ... مثلًا أرادت أن تلبس مثلًا قصير .

الشيخ : قلت لك الله يهديك .

السائلة : نعم .

الشيخ : إذا كان باتفاق معها ومع أبيها لا يجوز إلا الوجه والكفين .

السائلة : نعم .

الشيخ : شو معنى إعادة سؤالك بطريقة أخرى .

السائلة : نعم مضبوط .

الشيخ : طيب .

السائلة : طيب شكرًا .

الشيخ : أهلًا ، مسكينة .

السائل : ... .

الشيخ : يهديك الله ويصلح بالك .نعم .

السائلة : السلام عليكم .

الشيخ : وعليكم السلام ورحمة الله .

السائلة : معليش أحكي بالله مع الشَّيخ ؟

الشيخ : مع مين ؟

السائلة : الشَّيخ .

الشيخ : الشَّيخ ؟

السائلة : نعم .

الشيخ : هو معك .

السائلة : آه عمو .

الشيخ : نعم .

السائلة : بدي أسأل سؤال بس .

الشيخ : تفضل .

السائلة : في عنا محلات إحنا .

الشيخ : أي .

السائلة : موجودة في شارع الجاردن خلوها كل باب فيها عشرة آلاف دينار .

الشيخ : أيوا .

السائلة : دخلنا نحن وزلمة دفع كل واحد منا عشرة آلاف عشرة آلاف طلعوا عشرين آلاف لما جينا نقسم الشراكة فيما بينا رفض بابا إنو يأخذ الخلو على أساس حرام في الإسلام الواحد يأخذ الخلو صح ؟

الشيخ : الله يجزيه الخير .

السائلة : مش عارفة بيطلع له الحق ياخذه ولا ما يطلع له لأنه دفع فيه في البداية فليش يخسر حقه عشرة آلاف دينار في النهاية ؟

الشيخ : أنت سائلة ولا مفتية ؟

السائلة : نعم .

الشيخ : أنت سائلة ولا مفتية ؟

السائلة : لا والله أنا سائلة .

الشيخ : وليش عم تفتي ؟

السائلة : أنا والله بسأل عشان أعرف الفتوى .

الشيخ : عم تقول لي يعني دفع هو من الأول أول شيء المحلات هذه كانت فارغة ولا مشغولة ؟

السائلة : كيف يعني فارغة أو مشغولة .

الشيخ : يعني هلأ عم تقولوا أخذتم خلو .

السائلة : نحن دفعنا فيها خلو عشان نأخذها لأنه ما ينباع شيء هالأيام بدون خلو لأنه يعني هذه المواقع يعني في موقع اسمه الجاردن الخلو فيها .

الشيخ : سؤالي سؤالي افهمي شو سؤالي .

السائلة : آ .

الشيخ : هالمحلات هدولي مشغولين ولا فاضين ؟

السائلة : يعني لما اشتريناهم .

الشيخ : نعم .

السائلة : لما اشتريناهم ؟

الشيخ : هلأ هلا .

السائلة : لا مليانيين فيه بضاعة وعم بيشتغلوا لسه .

الشيخ : طيب مين اللي دفع الخلو ؟

السائلة : اللي دفع الخلو الشريكين هو حق هو أخذوا بابين كل باب منهم عشرة آلاف فدفع كل واحد منهم عشرة آلاف عشرة آلاف .

الشيخ : يا بنت الحلال بدي أفهم .

السائلة : آه .

الشيخ : هل من قبل كانوا فارغين ولا مليانين ؟

السائلة : تحكي مع بابا ، آ ، عمو نعم .

الشيخ : أنا ما فهمت القصة .

السائلة : ما فهمت .

الشيخ : القصة ما فهمتها .

السائلة : طيب نحن اشترينا محلات في مواقع اسمها جاردن .

الشيخ : أي سؤالي لما اشتريتم كانوا فارغين ؟

السائلة : آ ، فاضين ما فيهم شيء .

الشيخ : نعم .

السائلة : ما فيهم شيء لا .

الشيخ : فارغين .

السائلة : نعم .

الشيخ : هذا هو السؤال هذا هو الجواب طيب بعد ما اشتريتم شو صار ؟

السائلة : اللي صار أنه بدأت هالمحلات تشتغل وبابا حب في الأخير أنه يفصل هالشراكة ما بدو يشتغل معهم ويبيع حصته لهم .

الشيخ : لك يا بنت الحلال عم تقولوا كانوا فارغين بعدين تقولي بدأ يشتغلوا شلون فارغين وبدؤوا يشتغلوا ؟

السائلة : هلا عبوهم بدؤوا يشتغلوا جابوا صاروا يشتغلوا في الألبان واللبنة والأشياء هذه .

الشيخ : خلاص خلي واحد غيرك يحكي معي .