الشيخ : أكبر عالم في الدنيا من السلف والخلف هل يستطيع أن يقول في كل مسألة مهما كان نوعها خاصة في الأحكام العملية أن يأتي بنص من الكتاب والسنة مفصل تفصيلًا على المسألة المسؤول عنها وإلا لا بد الاجتهاد ؟

الطالب : لا بد .

الشيخ : طيب ، إذا هذا العامي محرم عليه التقليد جاء إلى العالم وعلى الطريقة الحزمية ما حكم الله في شرب الدخان ؟

الطالب : نعم .

الشيخ : ما راح يقدر يقول له قال الله كما قال رسول الله بالنسبة للخمر : ( كلُّ مسكرٍ خمرٌ ، وكلُّ خمرٍ حرامٌ ) ، بيقول له والله أنا تبين لي وراح يعمل محاضرة مثلما بعمل أنا حول الدخان بجيب من هون ومن هون ومن هون وبعدين بقول شرب الدخان حرام لو رجعت تسأل هذا ... شرب الدخان شو حكمه ؟ بيقول لك حرام تسأله أنت على الطريقة الحزمية شو الدليل ؟ بيقول لك والله الشَّيخ هيك قال لأنه ما بيطلع بيده يعيد المحاضرة اللي حكاها الشَّيخ طيب شو نقول عن هذا الإنسان ؟ هذا الإنسان لا بد فيه حوله أناس قد يكون الرجل متزوج إله زوجة إله أولاد شو بدو يقول لهم شرب الدخان حرام وإلا حلال ؟ بيقول لهم حرام طيب ما عنده الدليل دليله مفتيه عالمه .