الشيخ : وعليكم السلام .

السائل : معليش أحكي مع الشَّيخ الألباني .

الشيخ : هو معك .

السائل : كيف حالك ؟

الشيخ : الحمد لله .

السائل : شيخ ممكن أسأل سؤال ؟

الشيخ : ممكن .

السائل : بالنسبة للانتخابات سمعنا ناس قالوا إنه هذا إنه لازم كل واحد ينتخب وسمعنا في ناس قالوا حرام فأنت إيش رأيك ؟

الشيخ : أنا رأيي إنه ينتخب الواحد من المرشحين اللي شره أقل من غيره .

السائل : أيوا ينتخب اللي شره أقل من غيره .

الشيخ : أقل من غيره .

السائل : أيوا يعني إما فرض إنه الواحد ينتخب .

الشيخ : ينتخب مشان يخفف الشر عن الأمة .

السائل : إيه ؟

الشيخ : مشان يخفف الشر عن الأمة .

السائل : ضروري ولازم .

الشيخ : أي نعم .

السائل : ضروري ولازم .

الشيخ : لكن لا تباع الأصوات .

السائل : لا تباع .

الشيخ : الأصوات يعني واحد مثلًا بيجي مرشح لنفسه بيجمع له كم واحد بيقول لهم أعطوني صوتكم أنا بأعطيكم خمسين دينار مئة دينار .

السائل : نعم .

الشيخ : هذا ما يجوز .

السائل : لازم يعتمد على نحن كيف ننظر له هو يتمسك بالدين أو لا .

الشيخ : أيوا أحسنتي .

السائل : ماشي الحال شيخ .

الشيخ : ماشي الحال .

السائل : طيب جزاك الله خيرًا .

الشيخ : وإياك .

السائل : شو رأيك بالناس اللي بيقولوا إنه حرام .

الشيخ : شو بدي فيهم أنا الله يهديك .

السائل : كيف ؟

الشيخ : شو بدي فيهم الله يهديك كان سؤالك جيد خربتيها هلا .

السائل : لا لأن فيه ناس بيحكو هيك .

الشيخ : بعرف فيه ناس بيحكو هيك وبيحكو غير هيك وو إلى آخره .

السائل : أيوا .

الشيخ : وللناس فيما يعشقون مذاهب شو بدي بالناس أنا أنا عليَّ أبين ما أفهمه من شريعة الله .

السائل : ماشي الحال جزاك الله خيرًا .

الشيخ : وإياك إن شاء الله .

السائل : السلام عليكم .

الشيخ : وعليكم السلام .