السائلة : بالنسبة للبموت زوجها بتكون عايشة يعني أمع هل زوجها هي بصير ولا ما بصير ، مش في علينا عدة أربعة شهور وعشرة أيام ما بصير حدا يشوفها ؟

الشيخ : لا مو ما بجوز حدا يشوفها.

السائلة : اسلافها وهدول .

الشيخ : كيف ؟ .

السائلة : سلافها وما سلافها .

الشيخ : افهمي ، هذا الي شايع بين الناس أنه ما حدا بجوز يشوفيها هذا كلام مو صحيح ، لكن هي ما بجوز تخرج من بيتها ، بعدين ما بجوز حدًا يشوفها شوفي غير شرعية بمعنى مثلًا سلافك ما بجوز يشوفو منك شعرة ، ما يشوفو قدمك ما يشوفو مثلًا ذراعك .

السائلة : الإشي المحرم يعني ما يشوفو .

الشيخ : أيوا أما أنه ما يشوفو وجهك لا هذا ما في تحريم ، لكن لازم تلزمي الدار التي كان المتوفى فيها وأنت فيها .

السائلة : يعني لو كانت مثلًا هلأ هي عايشة ببيت لكن بتوكل مع قرايبها يعني مع دار حماها فلما مات زوجها صار أكلها كله مع دار حماها أكثر يعني .

الشيخ : إي نعم .

السائلة : هل بصير هذا بيكون مثلًا أخو زوجها بيكون قاعد مع ناس مع أشي بتكون قاعدة .

الشيخ : إذا كانت محتجبة ومحتفظة بأدبها الشرعي ما في منه مانع حتى تنقضي العدة وبعدين بتروح لبيت أبوها وأمها .