السائل : هل يجوز أن يستحضروا منشان يعرفوا عن شغله بدهم يعرفوها توفى الانسان وما بيعرفوا ....، تسأل انه بجوز ولا لا ؟ فقلت لها ما يجوز .

الشيخ : شو اللي ما بيجوز .

السائل : يعني تحضير الأرواح .

الشيخ : أنت لازم تقولي ما بيجوز استحضار الأرواح ، لأن هذا مثل إذا واحد سألك بيجوز يتوظف في البنك قلت لا ما بيجوز ، لكن هو البنك موجود والموظفين موجودين ، فلما تقولي له ما بجوز معناه أقررت بوجود البنك والموظفين بس نصحت ها الزلمة إنه ما يتوظف ، عرفت ؟

السائل : هو نفس الشيء هذا الشيء استحضار الأرواح ما يجوز ؟

الشيخ : أيوه أحسنت ، هيك بدك إياك تفهمي على الطاير ، افهمي ، استحضار الأرواح اليوم تدجيل عصري .

السائل : شو معنى هذه الكلمة ؟.

الشيخ : تدجيل عصري معناها شخص مات ، ونحن المسلمين نعلم انه مات ، يلى مات هو في روضة من رياض الجنة أو في حفرة من حفر النار ، ها دول الكفار الأوربيين طلعوا لنا بهذه الضلالة الجديدة في العصر الحاضر ، إن بإمكان الحي يستحضر روح الميت وهذا مستحيل ، لأنه لو كان في روضة من رياض الجنة شو بده بها لدنيا هذه ومشاكلها ، وإن كان من أهل النار من رح يخلصه من أهل النار ، من راح يخلصه ، فيجب أن تحطي في بالك أن قضية استحضار الأرواح تدجيل عصري .

السائل : يعني هم الآن دكاترة بيعملوا هالأمر .

الشيخ : اتشرفنا .

السائل : يعني بتحكي لي أن الأطباء ممكن يعمل لنا ها العمل .

الشيخ : اتشرفنا ، بالأطباء و الدكاترة آخر الزمان .

السائل : أه ، يعني هذا غير وارد أبدا .

الشيخ : أبدا ما له أصل .

السائل : أيوا إذا ممكن .

الشيخ : لا ما له أصل بنوب.