الشيخ : وكأنه السَّائل هو صاحب القصة وإن كان من وراء جدر بواسطة الهاتف ، لكن بأشعر من سؤاله ولهجته في السؤال أنُّو هو صاحب المشكلة ، بيقول : بدي أسألك سؤال ، تفضل ، بيقول : رجل يعمل عند يعني معلِّم له ، فبعثه بغرض إلى بيته ، فبعث الغرض هاد وسلَّمه لامرأته ، ومجرَّد ما يعني المرأة استلمت الغرض منه أغلقت الباب على الرجل من الداخل وطلبت منه الفاحشة ، هو امتنع ، قالت : والله إذا بتمتنع بأرفع صوتي وبأجمع الناس حولك وبأفضحك أمام الناس إلا ما تخضع لما أريد .

السائل : ضريبة ... .

الشيخ : إي ، فقال لي : شو بيساوي ؟ يعني هو هلق راح يقع في مشكلة يعني ، كأنُّو لسان حاله بيقول هَيْ الفضيحة راح تقع ؛ فليش ما بأقضيها ، بس هو بقى عم يحكيها عن غيره ، بس أنا شاعر أنُّو كأنُّو هو الفاعل ، أو هو الذي عَرَضَ له هذا الأمر ، قلت له : بدل ما يخلِّيها تصيح خلِّيه هو يصيح [ الجميع يضحك ! ] ، خلِّيه هو يصيح ويجتمعوا الجيران [ الشَّيخ يضحك ! ] بس .